سعد علوووش

**بن طويل** الأربعاء 6 يناير 2010 - 7:49

(((اخذيني)))

اخذيني اليـا عجبتـك بـس ردينـي وان ما عجبتك خلاص اخذيني مابيني
ما دامني شفت فيك الطهـر و العفـة بـاعيف نفسي ليــــا منـك كرهتينـي

اخذيني لو أعتبر من ضمـن أشيائــك وأنــــــا باحـبـك و لا لازم تحبيـنـي
لابي علاقة و لابــي نظـرة و بسمـه احساسي اني بقربــــك بـس يكفينـي

ولو اني انضفت لاشيائك غصب عنك طلّي علـي يـــا غناتـي لا تخلينـي
تـــراي لا جــا المصامـد مـــانـي بهيّـن تقـول كـن العـرب لعبـــة بيدّينـي

شخصيّتي مـن غرابتهــا و طيبتهـا كن الزمن في تحـــــدّي بينـه و بينـي
اخذيني الشاعر اللي ما صدق حظـه لا قلت يا حظ وينك قـال يـا وينــــي

اخذيني المبـدع المتفلسـف التحفـه مؤمن و تضحك على العالم شيـاطيني
شهرة شكسبير و أفلاطـون و نيوتـن لا قلت لي بيت شعر تطيح من عينـي

اخذيني العنصـــري اللي صدق متعنصرمن دون ربعي لـو أقطّـع شرايينـي
اخذيني اللي ليــــــا منـه طلـــب يعطـى وتكفيـن لا مـن طلبتـــك لا تردينـي

تكفين يـا غايتـي يـا بهجـة الدنيــــا ابــــاحرق قلوب نـــاسٍ مــــا تدانينـي
اخذيني بكل شـوق و قولــــي أحبّـه وان شكّــكوا فيـك والا فــــيّ ضمينـي

قولي سعـد و الله انـه غالـي جـدا وياجعل فدوه شبابـــي و آخــــر سنينـي
وانا باصدق كلامك و اعتنـز بالله وبـاقول للناس مــــا يعنيــــك يعنينــــي

وأنا علي نذر ما أرخص جيتك و أنتي نذرٍ على رقبتـك إنــــــك مـا تخلينـي

(((حبيبتــــي تحفـــه )))

حبيبتــــي تحفـــه من النوع الفريــد
لا جيت ابمدحــــها اخــاف اذمهـــا

لان المديــح بها ينقــص ما يزيـــــد
ولانها فـــرس وطايشـه وما همهــا

متمـــرده وبعقـل هـــارون الرشيـــد
وفي الزيـــن ما عـذرى توقف يمهـا

لو قستهــا مثلا على الجيــل الجديـد
تحـــط حليمـــه بولنــد فــي كمهـــــا

من غيهــــا الســادات سـواد العبيـد
تحــــر وتبــرك عند ركبــة عمهــــا

ومـــن غيهـــا لامن تثنــت كل حيـــد
وده يصيــر انســـــان لجـــل يلمهـــا

ومن غيهــــــا حتى دهــن عود العتيد
يسيـــــل في يدهــا عشان يشمهـــــا

ومن غيها لامن خذت نفــس جديـــد
تهاوشــــت الانفــــاس على فمهــــا

لبيهــــــا أم الفكـــر وأم القصيــــــد
لبيهـــــا من ضحكهـــا لا غمــهــــا

اللي بقوله جعــلها الحـظ السعيـــد
والله يخليــــها لابوهـــا وأمهــــــا

(((سوالف ناديه )))

لا تطاريتوا بحلو السوالـف والحكـي
والله ان احلى السوالف سوالف ناديه
كنها لاقالت ارحب على الراء ترتكـي
اتحفاهـا واخلـص وتـوهـا بـاديـه
مـن دلعهـا لا تحفتـك كنهـا تشتكـي
ومن ثقلها لـو يثـورون تبقـى هاديـه
تتقن البكي المضحك على الضحك البكي
وصوتها اخر شموخ الطراز المملكـي
وبحته تقمع ظهور الحـروف الغاديـه
ما يجيب من الحكي كون لؤلؤ الحكـي
ما يجيـب اللؤلـؤ إلا سوالـف ناديه

(((الطايـش)))

الطايـش اللّـي محتمينـه .. مـا قــووه
كـل العيـون اللـي تحـبّـه .؟ باعـتـه

أكبـر شهـوده ..سـاع مابيـع.iأجحـدوه
وأغـلا شموعـه .. يـوم قفّـا؟ ماعـتـه

يـهـل السخـافـه واللقـافـه.: جنّـبـوه
خـلّـوه يخـطـي دامـنـي شمـاعـتـه

خـلّـوه يجـمـد ويتبـعـثـر كـلّـبـوه
مادامنـي فـي حكمـه وفــي طاعـتـه

لانّه .. خليـط مـن التغاضـي والنّبـوووه
ومواقـفـه؟ تبـنـا . عـلـى قنـاعـتـه

قاسـي ولـو أتضايقـه.؟ ماقـال.. أوووه
وقساوتـه.؟ أأأأأخــر دلــع مياعـتـه

مدلّـعـن خلـقـه ونـاســه دلّـعــوه
والنّـفـس ماتشبعـبـه الـيـا جـاعـتـه

يغيـب .. ويـدري أن المعاليـق فقـدووه
ويرجـع بصـوتـن جعلـنـي ماناعـتـه

فلا بث رقمه شاااشت الجوّال.,؟ أتووووووه
وأقــول يـاربّـي تـبـارك ساااعـتـه

جوّالـي اليامنـه دق وقـال ... ألـوه...؟
تـذوب أذانـيّـيّ عـلـى سمّااااااعـتـه

لبّـيـه ياكلـمـاتـه ولا فـضّـفـوووووه
أمـوت فــي ضحكـتـه وأستمتاعـتـه

لاتنشدونـي ليـه أحـبّـه .. أنـشـدوووه
حبّه.,؟ محببني سبـب ......... ودّاعتـه

من كثـر ماحبّـه.,؟ أحـب أمّـه وأبـوه
بـالـمـخـتـصـر..؟ أحــبّــهــم جــــمـــــاعـــــتـــــه

(((يللي غرامك)))

ياللي غرامك جاريٍ في وريدي
لا وش غرامك جاريٍ في وريدي

استغفر الله لو بقول ان غرامك
ما باقي إلا يطبع اسمك على ايدي

لأنك بصدري و أنت منته بصدري
تطلع مع أنفاسي و ترجع يا سيدي

اليا طلعت أحس كني أشوفك
وآنقص أنفاسي ذكا يا ضديدي

أخاف لا تطلع و لا عاد ترجع
واشفق على شوفتك و اقول زيدي

فهل علمت عن جنوني يا آنف
اني لمجنون النشاز المجيدي

لبيك يا سلكا حملت الفضائل
أوعز لصاحبك بتحرير قيدي

يعني بحكينا لبى و الله عروقك
متى تعيد في عيوني يا عيدي

ثقفني بوصلك مثل ما تثقف
شعّار جيلي من ثقافة قصيدي

لو ضلع عيني حس موطى وصالك
لا طاح حيده و لا طاح حيدي

تخيل اني من كثر ما اتخيل
اتخيلك تدعي و احسب انك ميدي

يا خي ترى جننتني بالمفارق
جننتني و انا بعدني يا جيدي

لكن مع الله كل بلوى بخيره
أنا ذكاي من التجارب رصيدي

اذكرني اليا من سمعت بغرابه
اليا سرى فعروق مخك جديدي

و أنا بعد لا من ذكرتك يا غالي
باسجد لوجه الله و باقبل ايدي

(((مرتبة الشرف)))

تضيق بي الدنيـا بكبرهـا مـن معابيـس الوجيـه
وهــذاك لا مـنـه تبـسـم شـفــت للـدنـيـا طـــرف

منـي وليه احببتـه و هــو حبـنـي مـنـه ولـيـه
من غير لا انا اعترف و من غير لا هو يعترف

لـيه اتحاكى و كل أبـوي يعـرف غـايــة كل أبـيه
اليـا فـرح افـرح و دمـعـه لا ذرف دمـعـي ذرف

اغليه يعنـي اعشقـه اعشقـه يعنـي امـوت فيـه
يعنـي انـا ميـت مع عشقـه و مرتبـة الـشـرف

ميت و يعشق والسبب مافيـه داعـي ان احكيـه
الغـيـد فالدنـيـا هــواه و هــو لـحـالـه مـحـتـرف

الشامخ اللي لا اقبـل و حضـن يدينـي فـي يديـه
تـراعـدت فرايـصـه بالغـنـج و اتـسـاقـط تـــرف

امشـي معـه مـن غيـر لا ايـن و لا كيـف و ليـه
من حيث ما يجرفني اغمض عيوني و انجـرف

ان قــال لا اقــول لا وان قــال ايــه اقــول ايــه
ما عرف مسمع ما ارى ما ارى مسمع معرف

الـلـي اعـرفـه انـــي ابـيــه يتجمـل بـي و ابـيــه
وكان العـدل فـي صدتـه سجلنـي اكبـر منحـرف

يغـفـرلـي الله و الله يـديـمـه و يـرحــم و الـديــه

كل كل الشكر تقبل مروري خوي

سعد علوووش

سعد علوووش

الف شكر